Torres del Paine Nationalpark isch als Noegst’s uf dem Programm gstande. Nach ere Nacht in El Calafate si mir am noegste Daag scho wieder ueber d’ Grenze nach Puerto Natales gfahre. Doerte si mir nach guet\u00a0\u00a05 Stund Busfahrt acho und hei eusi grad ans Organisierae vo eusem Torres Trek gmacht. Mir hei beschlosse das ganzi uf die bequemi Tour z mache und hei eus Refugios loh reservierae. Am noegste Daag isch es denne uf die siebeni am morge los gange. Per Bus isch me wieder guet 1,5\u00a0 Stund gfahre und het de miesse tuers Geld fuer dr Itritt berappe.\u00a0 Bim Refugio Torres acho\u00a0hei mir eusi Bettli gsicheret hei het eus scho de Hunger plogt und mir hei Zmittag gaesse. Am Nomidaag si mir de mit lichtem Gepaeck zum Torres Mirador ufgstiegae. Isch no recht streng gsi, vor allem die letschte Hoehemeter het me sozsaege miesse ueber Stei chlaettere (Cousin Jon und alli andere Chletterfruende will unbedingt mol wieder go Chlettere) Eimol mehr hei mir Glueck gha, dr Nebel het sich gliechtet und mir hei die Torres mit dem Gletscherseeli bi Sunneschin und blauem Himmel z’Gsicht becho:-) Drno isch es de wieder guet 4 Stund retour\u00a0zum Refugio gange. Nach emene Bierli het’s de scho gli fischeligae\u00a0Fisch zum Znacht geh \ud83d\ude41\u00a0Ha mi de vo de Bilage ernaehrt;-) Drufabe si mir de go schloefelae do mir uf die 4:30h Tagwach gsi isch. Fuer eus isch de dr Boxlunch und s’ Zmorge uf dem Tisch gsi. Uf die fuenfi isch mit Vollpackig Abmarsch gsi. 4 Stund gege oeppe 100km\/h Wind z Laufe isch gar nit so eifach gsi, es het eus fascht ab dem Trail gwindet. Schlussendlich si mir de uf die nueni bim noegste Refugio Cuernos acho. Doerte het’s de nomoll Zmorge fuer eus geh \ud83d\ude42 Und mir hei so d Zyt vom grosse Rege im Schaerme choenne verbringe. Nach ere Stund Pause hei mir de eus d’ Regehose und ich mini Batmanpelerine ueberzoge. Vo denne ah isch es ufwaerts zum Camping Italiano und vo doerte witer richtig France Valley gange. Leider het sich dr Rege je witer ufe me cho isch immer wie me in Schnee verwandlet und de starki Wind het eim dr Schnee ins Gsicht peitscht:-( (Osterpfoeteler loehnd au do in Patagonie Griesse) Uf de andere Talsite wo mehrheitlich vo Gletscher ueberzoge isch si de au paar Lawine ins Tal\u00a0donneret und bim Zmittagesse ha ich de\u00a0 mega chalt gha,\u00a0glaub mini Jagge isch nuemme die besti. Han\u00a0gfunde in dr Schwiez goht me bi soenige Verhaeltnis nuemme z’Berg. 45 Minute vor dem Mirador\u00a0bi ich umkehrt und zrugg in Richtig Refugio Cuernos abgstiegae. Die andere Zwoi si no witer, hei aber nuet gseh. Also ha ich au nuet verpasst. K.o. im Cuernos acho han ich de festgstellt das ich mi verchaeltete han:-( Und zum Znacht hei sie wieder dr genau glichi fischigi Fisch uftischaet \ud83d\ude41 Han de aber es Chicken becho do ich gmotzt han\u00a0\ud83d\ude42 Am noegste Daag isch es de mit Vollpackig wieder an Ufstieg zum Camping Italiano gange und vo doerte abwaerts zum Refugio Peho\u00e9. Do s’ Wetter nit ganz so schlecht gsi isch hei mir gfunde laufe mir no guet es Stuendli zum noegste Mirador. Si de aber vom Wind fascht in de schoen tuerkisfarbigi See Peho\u00e9 pustet worde, leider si de au bald die erste Regetroepfli gfalle, so hei mir eus de zrugg zum Refugio begeh wo mir dr Pisco Apero gnosse hei und ich mit mega sympathische Walliser gredet han. Find das Walliserdialekt mega schoen und ghoer das uh gern\u00a0 \ud83d\ude42 Am 4. Daag het eus d’ Sunne gweckt. Voller Motiviation hei mir eus de ready gmacht, doch leider het’s de grad us Chueblae gosse:-( Nit mol en Hund wuerd me bi dem Wetter useschicke, doch d’ Nicole und d’ Sylvie hei gfunde me goht bi jedem Wetter und so si mir guet 3,5 Stund bi Schneerege zum Refugio Grey hindere gloffe. Das isch recht streng gsi do ich jo halb verchaeltet bin. Die zwoi Gazelle hei de immer wieder uf mi miesse warte. Han de aber vo nette Schwiezerinne im Refugio Grey es Alaca -C becho und bi de fit gnueg gsi zum go die coole Isberge go azluege wo vo dem Gletscher abbroche si:-) Drno isch de mol langsam d’ Sunne fuere cho und het eim gwaermt. Drno isch es wieder guet 3,5 Stund zrugg zum Refugio gange. K.o bi ich de gsi und ha mi gfreut das euse Katamaran scho bald gfahre isch und eus zum Bus und de eus zrugg uf Puerto Natales gfahre het \ud83d\ude42 E recht taffi Sach das W in dem Torres del Paine Park, vor allem wenn me kei schoen Wetter het. Zum Glueck hei mir nit miesse Campierae (Tina und Adi ich chan Nochfuehle wie ihr euch Gfuehlt heit wo Dir vom Weg gwindet worde sit)<\/p>\n","protected":false},"excerpt":{"rendered":"
Torres del Paine Nationalpark isch als Noegst’s uf dem Programm gstande.<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[16,8],"tags":[],"class_list":["post-69","post","type-post","status-publish","format-standard","hentry","category-chile","category-regi-und-claudia-in-sudamerika"],"_links":{"self":[{"href":"http:\/\/mupli.ch\/wordpress\/reisen\/wp-json\/wp\/v2\/posts\/69","targetHints":{"allow":["GET"]}}],"collection":[{"href":"http:\/\/mupli.ch\/wordpress\/reisen\/wp-json\/wp\/v2\/posts"}],"about":[{"href":"http:\/\/mupli.ch\/wordpress\/reisen\/wp-json\/wp\/v2\/types\/post"}],"author":[{"embeddable":true,"href":"http:\/\/mupli.ch\/wordpress\/reisen\/wp-json\/wp\/v2\/users\/1"}],"replies":[{"embeddable":true,"href":"http:\/\/mupli.ch\/wordpress\/reisen\/wp-json\/wp\/v2\/comments?post=69"}],"version-history":[{"count":1,"href":"http:\/\/mupli.ch\/wordpress\/reisen\/wp-json\/wp\/v2\/posts\/69\/revisions"}],"predecessor-version":[{"id":349,"href":"http:\/\/mupli.ch\/wordpress\/reisen\/wp-json\/wp\/v2\/posts\/69\/revisions\/349"}],"wp:attachment":[{"href":"http:\/\/mupli.ch\/wordpress\/reisen\/wp-json\/wp\/v2\/media?parent=69"}],"wp:term":[{"taxonomy":"category","embeddable":true,"href":"http:\/\/mupli.ch\/wordpress\/reisen\/wp-json\/wp\/v2\/categories?post=69"},{"taxonomy":"post_tag","embeddable":true,"href":"http:\/\/mupli.ch\/wordpress\/reisen\/wp-json\/wp\/v2\/tags?post=69"}],"curies":[{"name":"wp","href":"https:\/\/api.w.org\/{rel}","templated":true}]}}