Sodaeli, jetz weiss au ich wien ich Reisebrichtli chan uf die Homepage schriebae, wo d Claudia organisiert het.. Drum au no e chlini Zaemaefassig vo dae 3-wuechigae Reis mit em Thomi und em Adi:

In Rio haen  mir vom Corcovado und em Pao de Azugar dr Usblick ueber d Stadt gnossae, sind an dr Copacobana entlang spaziert und am Ipanema Strand schnaell go badae (eher es chuels windli gsi gegae obig, do nonig summer do..) und haen die erschtae Caipis (immer gshaked!! machae mr falsch in dr Schwiz :)!) gschluerft . Wieter gangae isch mit emae richtigae Strandtag uf dr Ilha Grande, durch Gaessli schlenderae in Paraty und Reschti suechae in Sao Paulo (in Brasiliae simmer teilwis verzwieflet uf dr Suechi gsi noch emae Restaurant wo zobig offae het!). Am 2. Tag doert haemmer Iheimischi troffae, wo dr Thomi und dr Adi in Canada kennaeglernt haen, isch en luschtigae Tag gsi. Ueber Curitiba simmer wieter greist zu dae Catarates de Iguazu. Fuer mich s Hightlight bis jetz! D Niagarafaell sind eher mickrig im Verglich :). Uf dr argentinischae Sitae haemmer im Schnellzugstempo Kilometer zrugggleit inklusiv en churzae Stopp in Posades und Santa Fe, wo dr Faserpelz notwendig wordae isch *brr*. Rosario isch unsi 2. letschi Station gsi, bevor mr in Buenos Aires am letschtae Tag ohni Claudia chli s Microcentro agluegt haen.