Die letschti Station vo eusere gmeinsame Reis isch Puerto Varas gsi wo mir nach dr Seeueberqueerig in dr Caza Azul es Bett gfunde hei. (Es Hostal wo vo Duetsche gfuert iscsch und me fascht nur Duetsch ghoert 🙁 ). Leider het s’ dr Petrus mit eus nit grad guet gmeint und eus dr erschti Regedaag gschickt 🙁 So si mir de in Puerto Varas, es chlis Oertli wo am See ligge tuet, nur dur Souvenirshoeps gschlenderet und im Internetkaffi ghoecklet. Am noegste Daag isch es de au nit besser gsi und mir si in Puerto Montt mol go usfindig mache, wo d Claudia uf ihres Navimag Schiff go muess. Puerto Montt het usser grosse Shoppingmalls, sunschtige Laede und emene superguete Internetkaffi nit grad viel z biete. D’ Claudia het sogar die grosse impossante Pazifikwelle vermisst :-(. Drfuer hets feini Hotdogs geh, wo naebae Wuerschtli au no Avocado und Tomatae drinnae haen :)! Am 3. Tag het s’Wetter leider immernonig viel besser usgseh, so haemmer no en Usflug uf Frutillar gmacht. Mir sind chli am See entlang spaziert, dr Waldlehrpfad wo mr haend wellae machae isch leider am Suntig gschlossae gsi :(. Unterwegs sind alli Hotel und vieli sueschtigae Schildli duetsch agschriebae gsi… Voll uebel, aber s’isch halt e duetschi Kolonie gsi.. Am Nomi het denn d Wulchaedecki ufgrissae und mir haend wie “d Japaner uf em Jungfraujoch” dr Vulkan Osorno gfoetelet :)! Aendlich haemmer dr Spitz gseh! Zrug in Puerto Varas haemer no gebuehrend eusae Abschied muessae fierae, mit emae gediegendae Obigaessae mit feinem Fleisch und feinem chilenischem Merlot-Wi :)!

Ab morn goht denn jedi vo eus ihren eigetae Weg *snifff*, d Claudia richtig Suedae (per Schiff noch Patagoniae) und d Regi noch Nordae (in Richtig Flughafae heimwaets)!