Im Juli bi ich e Wuche mit minere Kollegin dr Isabella Knecht und ihrem Multier dr Mira unterwegs gsi. Agfange het eusi Tour in Ilanz. Wäge emene Winteribruch si mir no uf Vals go Bade bevor mir uf Pignu gloffe si. De isch de Schnee weg gsi und mir si de Spure vom Suworow über dr Panixerpass uf Elm gfolgt. In Elm si mir bi ere super liebe Familiä untercho. Bi über 30° het eus de die nögsti Etappe uf Hasle gführt. Vo Hasle si mir via em schöne Bächital uf Brunwald und uf Nussbühle witer. Via em wunderbare Urnerbode si mir de über dr Klausepass uf Ratzi gloffe. In Ratzi isch de Hans Sohni zu eus gstosse. Er het vo dörte ah d’ Isabella und d’ Mira uf dr Tour witer begleitet. Ich bi mit ihne no bis Bürgeln mitgloffe.

Es paar Föteli vo dere Tour chönned Dir bi Picasa go aluegä.