Am Sunntig Morge het eus en Bus vor dem Hostale abgholt. Nachdem alli 20 Nase ufglade worde si isch es de mol dur Steppe artigi Landschaft gange. Unterwegs hei mir de bi de Pampa Cañahuas uf 3800 m. Vicuñas gseh. Mega herzigi Lama Verwandti. (Ela ich chan dich langsam verstoh wiso Du die Lamas so cool findsch 🙂 Vieli zottligi Alpacas hei mir natuerlich mit eusne Kameras au igfange. D’ Landschaft isch de immer wie karger worde und mir hei dr 4910 Meter Hochi Pass Patapampa passiert. Laeck isch das chalt gsi doert obe, aber drfuer het me cooli Ussicht gha 🙂 Durab isch es uf Chivay gange. Es herzigs Staedtli im Colca Tal wo doch uf 3650m ligt. Nach emene richhalitga typischa Peruanische Zmittagbuffet hei mir euses Hotelzimmerli bezoge. Mit dem Bus isch bald witer zu emene chline Doerfli gange. Doerte hei mir en Spaziergang gmacht und die Landwirtschaft in dem Colca Canyon Tal bewunderet und viel interessanti Sache ueber die Inka Bruech kenneglernt. Wo’s de langsam dunkel worde isch si mir no in d’ Hotspring’s. Wow isch das schoen gsi so im 38 Grad warme Wasser z’hoecklae 😉 Het mi grad wieder an d’ Sauna erinneret. (Flo, Brigitte, Reto, Griech und Jeannine sit dir scho mol in de Sauna gsi diesjohr?) Zum Znacht het’s de Alpakafleisch geh. Mampf mega zart und lecker 🙂 Waehrend dem Esse hei mir ere Peruanische Band zueglost und s’ Tanzbei isch gschwunge worde. (Hans und Maria ihr waered do uf euchi Rechnig cho). Scho gli hei mir eus de verabschiedet und waermi unter 4 Wulldecke gfunde.

Uf die fuenfi isch de Tagwach gsi und mir si fascht zwoi Stund ueber Schotterstross zum Cruz del Cóndor gfahre. Doerte hei mir de miesse uf die Condore warte. Die hei sich gege die halbi zehni endlich zeigt. Scho imposant wie sich die gewaltig grosse Voegel wo do laebe diend in d’ Luft schwingae.

Mit es paar Stoepp und Informatione zum Colca Canyon und de Terassebewirtschaftig isch es de zrugg uf Chivay gange. Nach emen richhaltigae Zmittagsbuffet isch es de wieder ueber dr hoechi Pass zrugg uf Arequipa gange. Doerte acho si mir mega mied gsi und scho gli in d’ Bettli gfalle.