Cuzco

Do d First-Class-Buess alli nur ueber Nacht fahred (und mir chli oebis vo dr Gegend moechtae gseh), simmer s erscht mol do in Peru mit emae normalae Bus gfahrae. Umgrechnet CHF 10.- het die 10-stuendigi Fahrt geschter gkoschtet, unglaublich! Ein grossae Nochteil het die Busfahrt allerdings gha: s het keis WC gha und richtigi Stopps hets au nid geh! So haemmer exta wenig trunkae (nid grad gsund..), unsri Blosae chli trainiert und sind bi einerae Haltstell mol schnell uf es Klo gspeedet.

Do in Cuzco gfallts uns mega guet, allerdings het mr s Gfuehl es heigi fasch mehr Tourischtae als Iheimischi.. Am Moegae simmer bi Sunnaeschin chli durch s Stedtli mit dae vielae engae und zum Teil raecht steilae Gaessli gloffae. Mir sind tapfer an allnae Souveniershops verbi gloffae. Wo’s denn am Nomittag aber afo regnae het, haemmer es “Indoor-Programm” brucht. Noch em Bsuech vom Inka-Museum het’s uns drum doch in diversi Souvenierlaedeli zogae. Und will alles so unglaublich billig isch, haemmer fasch nuem choennae stoppae :). Mitlerwielae haemmer Obig und s’isch recht chuehl wordae.

3 thoughts on “Cuzco

  1. Holà
    Ig ha grad es chlises problem hie i mim chrüzworträzu !!
    I bruche e südperuanischi hafestadt mit drü buechstabe ?
    Dir sit jo grad ir gägend und chöit mer das sicher schnäu abtscheggä !

    besitos
    regreso el jefe

  2. Ciao Claudia!
    Das tönt ja nach würklich coole Ferie! Bin grad chli niidisch…
    Häsch mer mal na dini Mailadresse? Dä Mülli organisiert für nächst Jahr es Skiweekend in Arosa und ich würd der dä Doodlelink maile damit au na chasch debi si..wär cool!
    Liebe Gruess und na vill Spass
    Daniela

Leave a Reply