El Valle Sacrado de los Incas

Si mir mit emene Bus und no paar anderne Nase go aluega. Nach churzer Fahrt in das Secret Vally of the Inkas hei mir bi emene Maert wo mega viel Souvenir abieta tuet aghalte. Vieli anderi Bues und entsprechendi Touris hets doerte au gha und so si mir grad nuemme in Shopping lune gsi. Hei grad nuet kauft. Witer isch es de uf Pisaq gange wo en grosse Maert gha het. Kauft hei mir usser feina Empanadas nuet. Bergwaerts isch es zu de Runia vo Pisaq gange. Doerte het eus fascht de Schlag troffe. Mir hei eus vor luter Touris nuemme choenne bewega, sondern si nur no dem Strom und eusere Guidin Lilliana gfolgt. Sie het gschwaflet wie e Buech.  Uebetrifft mi sogar im rede 😉 Nach dem Zmittag isch es uf Ollantaytambo gange. Doerte hets nomol Ruina geh zum aluega, immerno viel Touris, doch me isch nuemme im Strom mitgloffa. Leider isch d Sunne langsam verschwunde, was do scho uf die fuenfi dr Fall isch. Wo de s’ Andeglueha igsetzt het si mir de uf Chinchero ueber en hoche Pass gfahre. Leider isch es scho dunkel gsi wo mir doerte die prunkvolli Kolonialchila agluegt hei.  Nach guet ere Stund Fahrt si mir hungrig zrugg in Cusco acho.

Leave a Reply