Noch ema witerae feinae Zmorgae bi dr Patricia (knusprigs Brot, feinae Kaffi, oebis anders als immer nur Erdbeerkonfi und sogar Nesquik :)..) simmer geschter abgreist richtig Uyuni. Zersch ischs per Bus noch Oruro gangae, e ziemlich haesslichi Stadt. Zum Glueck hets no Tickets gha fuer ae Zug, wo am Nomi noch Uyuni witerfahrt. So haemmer nur churz Zmittaggaessae in Oruro. D Zugfahrt isch mega schoen gsi! Leider isch nur die 1. Haelfti bi Tagesliecht gsi. Doert simmer durch e mega schoeni Seelandschaft gfahrae mit ganz vielnae Flamingos (es Paradies fuer Ornithologe unter euch :)..)! Dr Sunnaeuntergang haemmer au no choennae beobachtae, bevors bi Dunkelheit witergangae isch. Uf jedae Fall ischs cool gsi, mol oebis anders als Bus zfahrae :), au wenns e raecht staubigi Aglegaeheit gsi isch, will d Fenschter nid wuerklich dicht gsi sind… Do in Uyuni simmer direkt ins Hotel und go pfusae. Huet haemmer en gmuetlichae Tag gmacht in daem chlinae Nescht, haen echli d Sunnae gnossae und Chartae gschriebae, e Tour fuer die negschtae Taeg buecht und nervae uns jetz chli ueber die oberlangsami Internetverbindig 🙁