Vor allne andere Jeeps si mir in Uyuni losgfahre. Nach emene Stop bim Isebahnfriedhof (Was fuer d’ Isebaehnler unter euch) isch es witer in de Salar usegange. Endlosi wissi Witti.. Zum Glueck si mir nur mit de Nadine und dem Mario us Moenchaltdorf im Jeep gsi. So hei mir gniegend Platz gha 🙂 (Danke Nadine und Mario fuer euchi Idee nit mehr als 4 mitzneh hoffe ihr sit guet in Tupiza acho)
Bi ere Kaktusinsle hei mir Halt gmacht und d Regi het sich mega gfreut ueber die geniale Kaktee 🙂 Sie het glaub diesmol gar nit so viel Foeteli gmacht 😉 Nach emene feine Zmittag wo extra fuer eus koecherlet worde isch hei mir no cooli Salar Foeteli gmacht. Nach churzer Fahrt si mir de scho bim Salzhotel acho wo mir d Nacht verbrocht hei. Richtig romantisch mit Cherzeliecht und Stirnlampe 😉 do dr Strom nit gnueg lang aneghebt het.
Am noegste Daag si mir ueber steili, steinigi und sandigi Wegli gfahre. Zum Glueck het de gueti 4WD Jeep mit eus de Weg ufe moege. (An alli Staedter wo en 4WD haend goehnd mol uf Bolivia und fahred mit euchem Auti so Piste und nit nur go Ichaufe, de wuesserd Dir mol was Offroad fahre heisst) Es isch e astrengendi und taffi Fahrt gsi mit ganz viel Staub. Bim Mirador acho hei mir Sicht uf en aktivae Vulkan gha. Witer bergwaerts und erae
Holper-Piste entlang si mir de zu ere schoene Laguna mit viela Flamingos cho. (Waer was fuer de Kurt und mini Eltere und au die andere Ornithologe unter euch). Doerte isch de fuer eus wieder feins Zmittag brutzlet worde. Mit gstaerktem Mage isch es de uf guet 4600 Meter ufegange und wieder abwaerts zum Arbol de Piedra, ere coole Steiformation. En isiga Andewind het eus doerte um d Ohre pfiffa und so si mir de froh gsi das es witergange isch. Au wieder offroad dur Wuesti und Vulkangebiet si mir bir Laguna Colorado acho. Ere rote Lagune, het mega schoen usgseh. Nach dem Entgeld fuer de Nationalpark si mir de zum noegste Hostale gfahre worde. Recht basic und ziemlich fruesch isch es doerte gsi. Schliesslich hei mir au uf 4200 Meter ueber Meer uebernachtet und ich han au mol min warme neu kaufte Schlofsack usprobiert. Leistet gueti Diensta 🙂 Isch aber eus nit so mega chalt vorcho wie Dir Marc. D Regi het sogar unter 2 Deckene und dem Siedeschlofsaeckli nit gfrore.
Uf die 4:30h hets de fuer eus gheisse Ufstoh und mir sie zu de Geysiera Sol de Mañana gfahre. Witer zu paar Therma mit heissem Wasser (Briederlis mir si mol nit go bade will’s viel z’viel Luet in dere Therma gha het. Feini Pancackes hets de doert fuer eus zum zmorge ghe und de si mir witer verbi an schoen farbiga Berge zur Laguna Blanca und Laguna Verde gfahre. Bald hei mir de eus miesse vo eusne Salar Gspoenli verabschiede und si an de Chilenischa Grenze abglade worde.