Die chilenisch Immigation hets ziemlich genau wellae wuessae: jedae vom Bus het muessae dr gross und chli Rucksack ufmachae.. Es ziemlichs Prozedere! Aber mae glaubts chum: sie sind sich nid einig gsi, oeb unsri kauftae Souveniers us Peru und Boliviae es Problem sind oder nid.. Dae wo sie uns het wellae wegneh haemmer denn choennae umstimmae :). Uf erae richtig guet teertae Stross (noch Peru und Chile fallt eim das sofort uf :)!)ischs denn ins Oasaeoertli San Pedro gangae. Das isch sones richtigs Doerfli zum Usspannae und nix machae.. Mir haends au schoen gmuetlich gno und no grob unsri Witerreis bestummae. Mit em Internet haemmer nid so Glueck gha: im erschtae Schuppae isch s Netz ploetzlich zaemmaebrochae und bim negschtae hets zmitts am Schriebae en Stromusfall geh in dr ganzae Stross!! Gfruschtet vo so viel Pech simmer halt ohni bloggae go Znachtaessae und haen doert sit langem wieder mol chli unseri Leberae trainiert *smile* mit Pisco Sour und emae feinae chilenischae Wi.