Zobe si mir mit dem Bus in La Serena abgholt worde und zum Observatorium Mamalluca wo im Valle de Elqui liggae tuet gfahre worde. Doerte hei mir de dur es Teleskop de Jupiter mit sine 4 Moend beobachtet. Nach ere Praesentation ueber d’ Entstehig vo Sterne hei mir de verusse s’ Sternbild vom Skorpion und dem Delfin am Himmel erklaert becho.  Open Cluster Sterne und Global Cluster Sterne hei mir de au doerte dur es Teleskop beobachtet. In de Milchstross hei mir de sogar die Magallane Nebel gseh, wo vo dr Nordhalbchuegelae us gar nid sichtbar sind. No witeri Sterne vom Triangel des Suedens hei mir agluegt und de isch es bald mol wieder zrugg uf La Serena gange.

Nach ere churze Nacht si mir de scho wieder vom Bus abgholt worde zum ins Valle de Elqui ggo. Diesmol si mir mehrheitlich ummegfahre worde. Hei e Pisco Destillerie, Papaya Factory, s’ Doerfli Vicuña und no anderi Eggli vo dem fruchtbare wunderbar schoene griene Tal bewunderet. @Jeannine ich chan dich jetzt verstoh was Du meinsch nach 3 Moenet mol wieder grieni Vegetation z’ gseh 🙂 S’ Idruecklichsti isch de s feine Zmittagesse gsi wo sie doerte in Sunneoefe zubereitet hei. Verbi an emene Museum und ere witere Pisco Destillerie isch es de wieder zrugg uf La Serena gange. Drno hei mir grad miesse es wit empfaernt’s Restaurant ufsueche zum Znacht Esse. Drmit mir wenigstens no chli gloffe si, nachdem mir wuerklich sozsaege nur ummegfahre worde si.