Isch au uf eusem Programm gstande. En Daagesusflug hei mir mit dem Bus gmacht. S’ Roesli isch ebefalls mit eus uf Santiago cho. Mir si zerscht uf dem Huebeli Cerro Santalucia  umegloffe und hei scho mol en Ueberblick ueber die grossi Hauptstadt Santiago gha. Bald druf isch es de zum noegst groessere Huegel dem Cerro San Cristobal gange. Doerte hei mir eus de dr Luxus vo ere Funicular Fahrt gleistet. Denn schliesslich hei mir scho ganz schoen gschwitzt bi 30 Grad warme Temperature in dere Grossstadt. Vom Cerro dem San Cristobal us hei mir perfekti Ussicht uf d’ Stadt und Schneebedeckt Andeberge gha. Leider het’s es bitzeli Smog gha. Abwaerts isch es de wieder mit dem Funicular gange. Nach emene Zmittag si mir de zur Plaza de Armas gange und hei doerte chli die alte Gebauede agluegt. Nach emene erfrueschigs Jugo si mir no schnell bim Regierigsgebaeude verbi und de mit de Metro zrugg zum Busterminal. Wieder us de Grossstadt zrugg in Valparaiso hei mir de im edle Apartement mol Pasta koecherlet. Isch richtig schoen gsi mol wieder doerfe selber z choecherlae 🙂