Eimol mehr haemmers Land gwechslet :). Inerae 8 stuendigae Fahrt simmer ueber d Andae noch Mendozza gfahrae. S isch landschaftlich mega schoen gsi und s Claeudeli isch bi dae schneebedecktae Andaegipfel ganz begeischteret am Fenschter “klebt” :). In Mendozza isch denn recht warm gsi zum Rucksack schleppae zum Hostel, zum Glueck isch doert jedi Stross uf beidae Sitae gsaeumt vo Baeum! Zrug in Argentiniae haemmer natuerlich grad muessae es feins Stueck Fleisch go aessae mit emae Malbec Wi (eusae Favorit) :)! Am negschtae Tag simmer per Velo chli die Wiregion go erkundae. Uf derae Routae extra fuer Bikes hets 7 Bodegas zum Bsuechae und en Familiebetrieb mit Likoers/Suessigkeitae und ein mit Olivaeoel. S het mega Spass gmacht, mr isch mol chli druflosgradlet, het zwei drei Wili degustiert (maengisch no mit Fuehrig), isch wieder chli gfahrae zum bi dr negschtae go “ichehrae”. S’ Ostschwiezerpaerli Peter und Anita hei mir denne doerte troffe. So ueberae Tag verteilt haemmer uns doch einigi Glaesli genehmigt und s isch guet gsi simmer mit em Velo und nid mit em Auti unterwegs gsi :). Zwueschae durae hets no gregnet und do d Stossae nid alli teert gsi sind und s keini Schutzblech gha het an dae Bikes haemmer am Schluss ziemlich dreckig usgseh.. In dr Nacht hets denn nomol richtig lang und heftig gregnet, ziemlich ussergwoehnlich fuer die Region wo suesch sehr trochae isch. Am zweitae Tag haemmer unsri Witerreis plant (wo denn unverhoft an daem Obae grad witer gangae isch..), bim Zmittagaessae no raecht lang mit emae Paerli us em Laufetal gschwaetzt und sind gegae Obae mit Sack und Pack zum Busterminal.