Neuquen

E Nachtbusfahrt isch uf dem Programm gstande. Mir hei eus Cama gleistet, was soviel wie es Bett haetti soette si. Isch aber in Wuerklichkeit so en Stuhl gsi wie’s in de Businessclass im Flieger het. 12 Stund si mir gfahre und gschlofe drvo maximal 2 Stund. Glaub das lerne mir nuemme 🙁 K.o. in Neuquen acho hei mir de im 3 Stern Hotel grad choenne es Zimmerli bezieh. Nur isch de Vormittag elend lang gsi. Uf die nueni si mir de mol richtig Stadt go e Cafeteria ufsueche wo mir  zmoergelet hei. En Arzt wo in Duetschland ufgwachse isch het eus de sehr fuersoglich umsorgt und eus jensti Adresse und Telefonnummere geh. Wo mir aber nie waerde bruche. Mir hei de dankend abglehnt. Dur diversi Plazas si mir de gschlenderet und de hei die ganze Sehenswuerdigkeite vo Neuquen au scho gseh innerhalb vo ere Stund. Dank emene Handwerkermaert hei mir de wieder chli Zyt tod gschlage und si de no ins Internetkaffi mol wieder go maile bis es Zmittag geh het. Die feria de artesanias het de am Nomidaag chli mehr bote und so hei mir eus doerte es Langohr kauft 😉 Nach emene Ichauf vo Food fuer de noegsti Daag si mir tod mied go Znacht Esse und hei eus riesig uf d’ Bett gfreut.

1 thought on “Neuquen

  1. Hey Claudia… i stöbere im Internet, lies Reisebricht und find äs bekannts Gsicht. So luschtig!! Mir si zämme ins KV, weisch no? Wiä lang bisch no in Südamerika unterwägs? Gniess es und heb ä gueti Zyt, d Bricht und d Bilder sind dr Hammer!! Liebi Grüessli und villicht bis bald Manu

Leave a Reply