Ueber drue Seeae uf Chile

Gaehn isch sechsi frueh gsi zum ufstoh und das fuer d’ Chatz. Dr Bus isch de erscht gege die halbi nueni ab em Terminal abgfahre… Aber die schwiezerischi Puenktlichkeit het eus us de Federe trieba 😉Nach churzer Busfahrt si mir de zum Hafe cho wo mir de dr erschti Katamaran bestiegae hei. Mit dem isch es uber dr grossi See Lago Nahuel Huapi  gange. Fascht wie in Canada. Am andere Endi acho hei mir de hungrig eusi Sandwich verspiesae und miessae Zyt z tod schloh. Witer si mir de per Bus zum Lago Frias en wunderbar schoene griene See gfahre worde, wo mir de au mit emene Katamaran ueberqueert hei (MYO au ich bi mol Kat gfahre).  De isch es scho an d’ Usreis vo Argentiniae gange Adieu guet’s Fleisch 🙁 Mit emene Offroadbus si mir de ueber e Schlammstrosse ueber en Pass wo ca 900 Meer ueber Meer liggae tuet gholperet. Es het sogar noch Schnee gha (Liebi Schwiezer au do hei mir Schnee troffe) Drno isch es an d Imigration nach Chile gange. Und d’ Regi het sogar es Sandwich gschafft z schmugglae 😉 Wo sie de uf dem windigae Todos los Santos verschlunge het. Leider si immer wie mehr Wulche ufzoge und so hei mir de imposanti Vulkan Osorno nur mit emene Wulchehuet gseh 🙁 Am Fuess vo dem Vulkan si mir de us dem Katamaran gstiegae und per Bus dur wunderbar schoen grieni Gegend mit vielae Bluemae uf Puerto Varas gfahre.

Leave a Reply