Navimag Boot Reis vo Puerto Montt uf Puerto Natales

Glueck ha ich gha und han mit emene Neuseelaender Bill choenne vo Puerto Natales uf Puerto Montt im Taxi mitfahre. Doerte ha ich de s Gepaeck icheckt und mi het d Sylvie us Lausanne aghaue oeb ich au us de Schwiez bi. Die Cabine oder Kajuetae wie d’ Seefahrer saeged ha ich de bezoge. Muess saege gar nit so schlecht, ha emel d’ Unterkunft nit mit Ratte miesse teilae ๐Ÿ˜‰ย  Bald isch es de los gange und mir hei bi bestem Wetter d’ Zivilisation verloh und si dur Fijoerd dure tuckeret (meistens 12 Chnote langsam). An Board ha ich de meistens mit de Sylvie immer wieder de Bill und sin Cabine Kolleg Calvin us New York troffe. Die beide alte Herre hei de eus junge Schwiezerinne immer zum Apero iglade und mir hei dr Vorteil bim Esse vo ihrne A Cabine choenne gniessae ๐Ÿ™‚

Die zwoelf Stunde offene Pazifik ha ich guet ueberlebt. Dr Pazifik isch richtig pazifisch gsi und d’ Welle si nur 4 bis 5 Beaufort hoech gsi. Was fuer Seefahrer eher lichts Schaukle isch. Ich ha die Fahrt ohni Chotztablettli ueberstande ๐Ÿ™‚

We are lucky passengers…ย  hei eus d Guides immer gseit do mir jede Daag perfekts Wetter mit viel Sunneschin gha hei ๐Ÿ™‚ย  Jede Daag isch de oeppe glich abgloffe. Zmoergele, use go d Landschaft gniessae, zum Mokkacino in d’ Waermi und nomoll use go Foetele bis es Zmittag geh het. Am Nomidaag hei mir de meistens es paar Wort mit anderne nette Schwiezer gwechslet. D Claudia und de Marco us Bern ha ich so kenneglernt und au die muetigae Seegler Martin und Christoph us de Region Basel wo zur Antarktis wei seeglae. Bis de Zyt fuer de Pisco Apero gsi isch ha ich die schoeni Landschaft an Deck im Windschatte gnosse, und viel, viel z viel Foeteli knipst;-) Nach dem Znacht isch me de meistens go de schoeni Sunneuntergang luegae und het dr Obe mit Bingo spielae oder Film luege verbrocht.

Uf allifaell isch es e laessigi Reis uf dem Navimag Boot gsi, au wenn chli e tueri ๐Ÿ™ Landschaftlich sehr empfehlenswert:-)

Leave a Reply