Ziemlich mied und halblebaendig bi ich nach dr holprige Busfahrt in El Calafte acho. D’ Sylvie und d’ Nicole hei beschlosse sich vo mir z’trenne. Isch mir au recht gsi do ich gfunde han ich wuerdi lieber Spanisch, statt Franzoesisch rede. So bi ich de mit ere Kanadierin Michelle go es Zimmer sueche. Si natuerlich am Schluss doch wieder im gliche Hostel wie d Sylvie und d Nicole buecht hei glandeti…. I han de en Ruhedaag igleit und bi go die schoeni Lagune mit de viele Voegel do in El Calafate go aluege. Zobe bi ich de mit dr Michelle go Znacht Esse und han an doerte d’ Simone und de Markus us Schaffhuse kenneglernt wo Sehnsuechtig uf ihres Gepacke gwartet hei.

S’ Wetter isch leider am noegeste Daag nit s’ Bestig gsi und uf dere Perito Moreno Tour isch natuerlich d’ Sylvie und d’ Nicole au gsi.. D’ Flucht vo mir isch ihne nit wuerklich glunge.. Acho bi dem imposante Perito Moreno Gletscher het er eus s’ Is in schoen blaue Farbe praesentiert, doch leider het de blaui Himmel mit paar Sunnestrahle gfehlt 🙁 Es het de immer wie mehr afo Regne oder Schneiae und so bi ich de mit nette Amis us Seattle go Kaeffelae. Mir hei de beschlosse no uf die Bootstour z’gohl, was sich Istechnisch glohnt het. Die abbrochene Isbrocke hei sich in magischem blau zeigt 🙂 Nur isch nie so en grosse Isbrocke abbroche 🙁

Wieder zrugg in El Calafate bi ich de mit de glueckle Simone und dem Markus wieder go feins Znacht esse 🙂 Dr Grund fuer ihres Glueck isch gsi das sie ihres Gepack becho hei 😉