Nichts ahnend, dass d Fahrt vo Chañaral noch La Serena fasch 12 Stund, anstatt 7h durt simmer in Bus igstiegae. Unterwegs hets allmaehlich es paar Struechli und Kakteae gha, s isch aber immerno e ziemlich kargi Gegend gsi! Ca 2 Stund vor eusem Ziel isch dr Bus ploetzlich uf es Plaetzli naeb dr Stross gfahrae. Informiert wird mr do nid gross, irgendwenn haemmer mol gmerkt, dass anschienend dr Motor kaputt isch und niemer genau weiss wieso. Zmitts in dr Wueschti und umgeh vo Huegeli isch dummerwies au fasch kei natelnetz gsi… drum isch nie klar gsi, oeb d aruef durae sind und oeb jetz en ersatzbus oder en mechaniker unterwegs isch. Noch oebae 3 Stund wartae und mit andernae plaeuderlae ischs uns denn zbunt wordae und mir haend afo Autistoepplae. Dr Laschwagaefahrer Hugo het uns mitgno. Die grossae Rucksaeck sind hindae im Bagger won aer transportiert het verstaut wordae :). Mir haend uns nid s schnellschtae Fahrzueg usgsuecht: aer isch mit 30-70km/h umaetuckeret!! Usserhalb vo La Serena het aer uns denn ufd Stross gstellt, will aer doert znacht gaessae het und nid ind Stadt inae het choennae fahrae. Zum Glueck isch doert grad e Tankstell gsi, so haemmer fuers letschtae Stueck oeber gfrogt, wo doert grad ghaltae het. Ziemlich hungrig simmer denn aendlich in La Serena acho! Und hei die allerletschta Bettli fuer ei Nacht in emene Hostale ergatteret 🙂
Am Tag druf haemmer chli das haerzigae Staedtli erkundet. Mir sind am Plaza des Armas gsi, durch Gaessli und Stroessli glofae, haend chli uf em mercado umaegstoeberet und sind am Nomi no dr japanischi Gartae go besichtigae. Uf die 5i simmer scho go feins Znachtaessae, damit mir parat gsi sind fuer d Tour zum Observatorium.