Valparaiso isch die erschti Stadt, wo mir richtig haend muessae es Taxi suechae (suesch wird mr am Busterminal jewiels richtig bestuermt vo Taxifahrer…). S erschtae Hotel isch usbuecht gsi und bim 2. haemmer wiedermol die letschtae 2 Bett verwuetscht (vo jetz a reservierae mr wieder :)…). Nochhaer simmer no chli s Quartier go aluegae (ganz viel farbigi Huesli) und an Hafae abae. Mr bliebt uf jedae Fall fit in derae Stadt: huegeli ufae und huegeli abe, fuer Fuli gits allerdings ascensores (Liftkonstruktionae) zum die steilschtae Stueckli ueberwindae :). Noch em Znachtaessae simmer schnell ins Internet und zur grossae Ueberraschig han ich (Regi) es Mail becho vom Roesli, erae Grosstantae won ich nid kennt han und au nid gwuesst han dass sie do in derae Stadt wohnt. Am negschtae Tag haemmer sie troffae und sind grad zu ihrae zueglet: mir haen uns doerfae in ihrer Zweitwohnig iquartierae! Mega lieb. Vom Cerro Alegre Quartier simmer denn zfuess ins Bellavista Quartier gloffa. Zmittag haemmer uf em Roesli sim Balkon mit Meer gaessae. Am Nomittag het sie mit uns en Usflug and Laguna Verde gmacht, wo mir ame schoenae Strand entlang gloffae sind. Zobig ischs witer gangae uf Viña del Mar, wo mir mega fein Znachtgaessae haend *mmhh*. Noch em geschtrigae Santiagousflug haemmer huet nomol en Tag in derae schoenae Stadt verbrocht, en ziemlich gmuetlichae. Mir haend chli d Wohnig gnossae (noch soviel Hotelzimmer :)..), sind no es paar Paerkli go aluegae wo mir nonig gseh haend und haend wieder viel Zit im Internet verbrocht zum eusae Blog updatae 🙂

Es grosses Dankeschoen ans Roesli, dass mir bi dir haend doerfae Uebernachtae und fuer die tollae Usfluegli mit dir! Mir haends sehr gnossae!