Punta Arenas

Nach ere Vierstuendigae Busfahrt si mir am suedlichste Punkt vom amerikanische Kontinent in Punta Arenas acho.D Sunne het sich hinter de Wuchle versteckt und mit dem patagonische Wind hei mir ganz schon chalt gha. Froh si mir gsi das mir eus hei choenne in emene Beizli go ufwaerme. Wos de Zyt fuer d Pinguinetour gsi isch hei mir alli moegliche Chleiderschichte ipackt.. Nach guet ere Stund Fahrt in emene chline Buessli si mir in Seno Otway acho wo mir nach de erste Windstoess eus alli moeglichae Schichte Chleider ueberzoge hei. Tief ighuellt hei mir eus gege de starki und chalti patagonischi Wind kaempft. Herzigi Magellane Pinguine in ihrere natuerliche Umgebig hei mir choenne beobachte, und chum choenne ufhoere foetele.., doch de Wind isch so stark und saumaessig chalt gsi das mir de die blaugfrorene Finger hei miesse an emene warme Teeli go ufwaerme 😉

Am noegeste Daag het sich d Sunne und blaue Himmel zeigt:-) Mit  Fotiapparaet usgruestet si mir go die schoene kolonial Hueser foetele und si zum Mirador ufekletteret, wo mir die schoeni Ussicht uf die herrrlichae farbigiae Hueser mit de Magellanestross im Hintergund gnosse hei. (Saendy evtl. waeri das ehere es Staedtli fuer dich) E Stadtwalk het eus am Nomidaag zum Friedhof gfuert wo mir eimol mehr die Mausoleum mit de viele Internationale Naeme  bestunt hei. Wo de dae patagonischi Wind wieder ufzoge isch hei mir Schutz vor Chaelti im Internetkaffi gsuecht. (Hei de neue Internetrekord dank Skype ufgstellt;-)) Aber immerhin isch es doert inne mega schoen warm gsi 🙂

Leave a Reply