Upsala Glaciar

Posted on by

Mi letschti Patagonischi Daag isch agstande. Ha mol wieder miesse frueh zu de Federe us. Per Bus isch es denne zum Hafe Punta Bandera  gange und vo doerte mit emene Katamaran uf dr Lago Argentina. Verbi an viele Isberge wo im Liecht mega schoen gschimmeret hei isch es de witer zu emene Oertli Oneill gange wo mir hei choenne usstiegae. Dur en huebsche Wald isch me zum Ufer spaziert. Vo doerte us het me wieder vieli grossi Isberge choenne bestune und sogar choenne zueluege wie si gschmulze si. Witer isch die touristischi Bootfahrt zum Gletscher Upsula gange. Vieli Isberge si im Wasser gschwumme und de Katamaran het sich miesse dr Weg um die Isberge sueche. Idruecklich isch es gsi wie de Upsala Gletscher kalberet het.  D’ Sunne het de dr Gletscher Spegazzini wunderbar beluechtet. Leider ha ich miesse Acht geh das ich nit grad die ganzi Batterie verguedae tue. (Ha dummerwies mini Ersatzbatterie vergesse:-( ) Die gigantische Isberge wo in dem Wasser gschwumme si, si teilwies Bootshoech gsi. Mega idruecklich und die Farb vom Wasser. Wunderbar.. 🙂 Isch halt scho nit s’ glichi wie in de Schwiez. Doch ich glaube fuer de Moment ha ich gnueg Is und Gletscher gseh. Morn goht’s nordwart’s in waermeri Gegend 😉

3 thoughts on “Upsala Glaciar”

  1. Hi Cläudeli

    In dem Fall hesch mis Geburi SMS au nid becho. Also wünsch ich Dir uf dem Weg alles alles Guti und wie fühlt mä sich mit em 3 :-))))
    Also ich freu mich scho uf d’big Party in dr CH. Wünsch Dir no en schönä Ufenthalt chunnsch jo scho gli wieder zrugg. Also bis bald in dr CH.

    Ganz liebi Griessli Jeannine

  2. Hallöli

    Du, i freu mi, dass bald wieder zrugg chusch! Juppi! Falein isch reserviart und am 5. Januar wär denn a Möglichkeit zum Iisklettera…
    Grüassli au vum Miräggel, bis bald!

  3. Hoi Claudia

    jetzt bist du vielleicht schon in Buenos Aires im Hochsommer? Und bei uns ist der kürzeste Tag…
    Wenn du am 26. Dezember schon in Zürich ankommst, kannst du uns vielleicht – auch mit Isi und Jon – in Mogelsberg besuchen auf euerm Weg nach Falein? Du hast ja sicher die Fötali gleich dabei und sprudelst noch ganz frisch!?
    Wir sind von 29.12. bis 2.1. in Mogelsberg!
    Sonst im Januar, mit (noch mehr) Schnee!

    Und jetzt dir einen rauschenden Abschluß in Argentinien und guten Flug!
    Ich freu mich auf ein Treffen
    liebe Grüßli und schöne Sommerweihnachten!
    Hans

Leave a Reply