Uh mega frueh ufstoh 4.30 Uhr, damit s’claudi und ich puenklich uf en flughafe koemme. dr markus hei mir denn verabschiedet, dr armi het zrugg muesse in die eisigi kaelti. do mir en raser vo taxifahrer gha hei, sin mir puenktlich am flughafe acho. denn ischs zum ichecke gange, wow die mega schlange, aber isch uh interessant gsi, die luet z’beobachte, was die alles mitgschleift hei. mir hei gwartet und gwartet und gwartet und es isch und isch nid vorwaerts gange,  ich han langsam lust becho uf orangesaft und kaffi,  gut oeppe am 6.11 Uhr hei mir choenne euses gepaeck ichecke, denn sin mir ueberae zur passkontrolle, nei, wo ich die schlange gseh han, bin ich scho es bitzli nervoes worde, denn am 6.40 Uhr isch last call gsi. am 6.34 Uhr sin mir efang dur passkontrolle, ihr koennet euch jo vorstelle, wie eus z’mut gsi isch und min orangesaft und kaffi han ich immer nonig gha 🙂 denn dur en securitycheck s’claudi het ihri schuh scho abzoge, damit s’schneller goht, ich bin recht schnell dure gsi, aber dr claudi ihre rucksack isch und isch nid cho, si hei en fuehre und hinderae scannt. super hangepaeck kontrolle, denn s’claudi het no en kinderscherr drbi gha 🙂 wo si grad konfisziert hei 🙂 denn hets g’heisse springe, nur hei mir beidi es handycap gha, s’claudi het ihri schuh nid bunde gha, wo si abzoge het und ich han min gurt vergesse azlege und mir sin mini hose immer fast abegheit, ha sae muesse festhebe 🙂 zum glueck het eus doert niemmerts kennt 🙂 last call het scho rotgluecktet, eus hets uf d’sekunde glengt, bevor si dr schalter zu gmacht hei. denn endlich in dr luft hanoi wir kommen. in vietnam acho hei mir denn wieder eso lang uf euses gepaeck gwartet. das sin mir jo jetzt gwoehnt!! denn endlich am am 9 uhr ha ich min orangesaft und kaffi choenne drinke 🙂 und alles war gut